KOMPLETTES Anki-Set Anatomie

Diese Datei bewerten

Hochgeladen von Samuel Studer - 07.08.2023

Semester	3. und 4. Semester
Kategorie	Karteikarten
Verfasser	Samuel Studer
Dateigrösse	Unbekannte Grösse
Downloads	153

	Sali zeme Ich han für d'anatomie mündlich prüefig Ankis zu allne Regione gmacht. S'allermeiste hani mit groscurth gmacht (so hani au d'regione gliederet und ned nachem sezier-skript). natürlich beinhaltet es ned ganz 100% vom ganze Stoff vo groscurth, aber s'wichtigste isch findi abdeckt (sry, de titel isch vlt bizli click-bait). z.b. hani zu de groscurth Folie "Regionen" und "Bauchorgane: Lage, Projektion, Nachbarschaft" bim Abdomen (fast) kei chärtli gmacht. zu de wichtigste Sache (zb Unterteilig vo ober- und Unterbauch) hani scho chärtli gmacht. lymphknote hani eigentlich au usglah und sind miner einig au ned für d'prüefig würkli relevant. Ich han z.T. au viamedici und vorlesigsfolie als quelle benutzt. Ich han allí Ankis imne google drive ordner sortiert. det chönder entweder s'ganze set uf eimal oder die einzelne regione separat abelade. Einigi chärtli (hani im Nachhinein gmerkt) sind ned so sinnvoll gsi oder chli unnötig und die hani dementsprechend denn au "suspended". würi eu eventuell au empfehle zmache. Die ersti paar chärtli woni gmacht hand sind vlt bizli komisch formuliert (han mit de halsregione agfange). ihr chönt sie natürlich aber eifach ändere. no en chine tipp zu d'grenze vo de regione: ich würde sie ned soooo mega genau lerne wie sie uf de chärtli sind ussert es sind würkli spezifischi Strukture wo die region abgrenzet (z.b. lamina lateralis proc. pterygoideus als mediali begrenzig vo de fossa infratemporalis) Bewegigsapparat, autochtoni Rückenmuskulatur und Radioanatomie hani au abdeckt! Bim Hirnkurs würi eu empfehle selber d'ankis zmache ab "10. Studium des oberen Hirnstamms". ab det hani zwar es paar chärtli gmacht aber nume sehr oberflächlich bzw. z.T. fehlt gwüsse Stoff will han sie erst churz vor de prüefig gmacht und dementsprechend ned würkli viil ziit gha. zu hirnnerve hani au keini gmacht will das hemmer alles ide vorlesig scho gha. als quelle für mini Hirnkurs chärtli hani v.a. es überarbeitetes skript vom Hirnkurs benutzt (das findet mer au uf uniboard). Natürlich kei Garantie uf Vollständigkeit und Richtigkeit! (isch miner meinig nach au ned möglich würkli de ganz Stoff abzdecke) Ich hoffe die Ankis helfet eu wiiter und fanget gnueg früeh ah! ich wür eu empfehle bereits ide semesterferie im winter chli azfange. und lernet uf jede fall ned nume mit de Ankis, sondern gliichets immer selber au no mit groscurth, vorlesigsfolie, viamedici und sustigi quelle ab! machet au selber chärtli wenn ihr merket es fehlt öpis und evtl. münder sie au ändere sodass ihr eu de Stoff am beste iipräge chönt. au wenn Anatomie viil uswendig lerne isch, chan mer au viil durch Verständnis lerne/ableite (also z.B. d'lag vo de buuchorgane und d'innervation mit de embryologie verbinde oder de ufbau vo Organe ufgrund vo de Physiologie erchläre etc.). Radioanatomie würi erst die Lernphase afange. (btw, es chan sii dass ich mengisch usversehe chärtli vom bewegigsapparat bi de chärtli vo Topografische Anatomie inegfüegt han)